Нов земјотрес со јачина од 4.5 степени ја погоди доцна вчера Албанија, пренесуваат медиумите.
Епицентарот бил на 22 километри западно од Тирана, на длабочина од 10 километри.
Малку подоцна, нов потрес со јачина од 3.5 степени повторно ја погоди Албанија, овој пат на 58 километри од Тирана.
Според податоците овој земјотрес се почувствувал и во Црна Гора, најмногу во Улцињ.
Од утрото на 26 ноември, кога беше разорниот земјотрес, со јачина од 6,4 степени според Рихтеровата скала, во кој животот го згубија 51 лице, а беше предизвикана огромна материјална штета, најмногу во Драч,Тирана и Туман, до сега се регистрирани над 700 потреси со различна јачина.