Непознати лица отстранија синоќа во Вуковар уште една двојазична табла од зградата на Центарот за социјална заштита, јавија хрватски медиуми.
Вчера попладне исто така непознати лица отстраниле двојазични табли од три згради – од Заводот за вработување, Заводот за пенсизко осигурување и Државниот инспекторат.
Од полицијата наведоа дека во тек е истрага за да се утврди идентитетот на луѓето кои ги отстраниле и однеле таблите како и останатите околности кои влијаеле за таков чин.
Од Штабот за одбрана на хрватски Вуковар, соопштија дека поддржуваат симнување табли од згради на хрватски државни институции, но истакнуваат дека членови на Штабот не се одговорни.