Во Косово официјално е регистрирана осмата жртва на хеморагична треска, јави дописникот на МИА.
Станува збор за 58-годишен маж од Драгобил кај Малишево, кој починал ноќеска по полноќ во Клиничко-болничкиот центар во Приштина.
– Клиничко-болничкиот центар во Приштина тој беше донесен во неделата, но и покрај напорите, не можевме да направиме ништо повеќе. Жртвата е 58-годишен маж кој почина ноќеска, трисет минути по полноќ, изјави инфектологот Салих Ахмети.
Тој потврди дека во Клиниката се хоспитализирани уште четворица пациенти заболени од хеморагична треска, но оти во овој миг тие не се во тешка здравствена состојба.
Пред пет дена од хеморгична треска почина и 34-годишен маж од селото Астразум исто така во реонот на Малишево. Со денешниот случај од вкупно осум починати од хеморагична треска, дури петмина се од општина Малишево.