Претседателот на Србија, Томислав Николиќ во разговорот со претседателот на Украина, Виктор Јануковиќ истакна дека неговата држава е посветена на евроинтеграиции, но дека не сака да го признае Косово.
– Србија со Унијата преговара за сериозни отстапки, но постојат прашања за кои што нема договор-рече српскиот претседател.
Според неговите зборови постои само еден услов кој што Европа се уште не и го поставила на Србија.
– На тој услов, одговорот на Србија е дека никогаш нема да прифатиме независност на Косово-изјави Николиќ.
Според српскиот претседател неговата држава е доведена во ситуација да прави нешто што многу држави во светот не би го направиле, да преговара со оние кои незаконски прогласија независен дел од Србија.
Елена Георгиевска