Независниот полициски синдикат на Србија соопшти денеска дека состојбата во Министерството за внатрешни работи повеќе наликува на Дивиот запад, отколку на полиција, која треба да биде столб на државната безбедност и на безбедноста на граѓаните.
Во отвореното писмо до новоизбраниот министер за внатрешни работи Небојша Стефановиќ синдикатот ги наведува „горечките проблеми во полицијата“.
Синдикатот посочува дека полициските униформи се стари над седум години и полицајците се принудени со сопствени средства да си купуваат нови работни костими, додека службените автомобили се над 20 години стари и нивната поправка и одржување чинат повеќе, отколку да се купат нови.
Синдикатот побара од новиот министер итно да бидат исплатени досегашните доцнења на примањата на вработените во Министерството.