Невработеноста во Хрватска во месец октомври достигна 18,7 проценти, откако втор месец по ред бележи раст, покажуваат денеска објавените податоци на Државниот завод за статистика.
Невработеноста во Хрватска кон крајот на месец септември изнесуваше 17,7 проценти.
Во агенцијата за вработување во моментот се регистрирани над 311 илјади луѓе, додека кон крајот на октомври нивниот број е околу 306 илјади, што покажува забрзано зголемување на невработеноста по крајот на туристичката сезона.
Порталот „Индекс“ наведува дека реалниот број на невработени е многу поголем, бидејќи голем дел од нив не се регистрирани.
Агенцијата за вработување минатата година потрошила рекордни 522 милиони куни, односно 68 милиони евра за стимулирање на вработеноста, додека годинава за таа цел се предвидени околу 10 милиони помалку.