Иван Вилибор Синчиќ е најмладиот кандидат за претседател на Хрватска,кој на изборите излегува како што вели да предупреди на неможноста да се подмират долговите и кредитите во ссегашните услови во Хрватска.
Дваесет и петгодишниот апсолвент на електротехничкиот факултет од Карловац по четири години активизам и политичка работа бил организатор на многу акции и иницијатива против политичките елити.
Уште во 2011 година бил еден од организаторите на протестите против владата на ХДЗ, а од 2012 година ја организира и координира граѓанската иницијатива која прерасна во политичката партија „Жив ѕид“ чија основна цел е спречување на ислеувањето на должните граѓаните од страна на банките.
За помалку од три години, заедно со „Жив ѕид“ успеал да спречи преку стотина закажани иселувања на граѓани, а поради своите политички активности неколку пати е приведуван.
Освен со политика, се занимава и со органско производство, а интерес му се и обновливите извори на енергија.
-Сакам да се сопре со мерките на штедење и кражбата на граѓаните на сите можни начини, деблокада на 320.000 блокирани сметки како и итно запирање на сите иселувања, ја образложи програмата најмладиот кандидат за претседател на Хрватска.