На површината на Дунав кај хрватскиот град Вуковар е забележана нафтена дамка широка околу 50 метри, објави електронското издание на загрепскиот весник „Вечерњи лист“.
Според весникот, дамката се наоѓа на 1.347-от километар на Дунав на потегот од границата на Осијечко-барањската Жупанија до Вуковар.
Засега не е познато од каде потекнува дамката. Последниве денови во реонот околу Вуковар стоеја повеќе речни бродови и шлепери, кои чекаа за влез во вуковарското пристаниште.