Најмалку 138 лица се уапсени, а други 51 се повредени денеска во Истанбул во судирите меѓу полицијата и учесниците на демонстрациите по повод Први мај.
Повредените главно имаат лесни повреди како резултат на употребениот солзавец, изјавија организациите за заштита на правата на човекот.
Судири меѓу демонстрантите и полицијата утринава имаше на повеќе места во Истанбул, каде полицајците интервенцираа врз групите кои планираа да дојдат до плоштадот „Таксим“ за на него да го одбележат денешниот Меѓународен ден на трудот, иако властите тоа го забранија, пренесе турската приватна телевизија НТВ.