Првиот автобус полн со мигранти пристигна денеска на словенечката граница со Хрватска откако Унгарија ја затвори својата граница со Хрватска, па мигрантите беа пренасочени, соопшти словенечката полиција.
– Автобусот сега е на граничниот премин Грушкојце и мигрантите ќе минат низ процес на регистрација, изјави портпарол на словенечката полиција.
Словенија го запре железничкиот сообраќај со Хрватска така што мигрантите не можеа да пристигнат со воз.
Словенечката Влада денеска ќе објави детали од оперативни договори со Хрватска за транзитот на бегалци преку Словенија. Словенечката министерка за внатрешнир аботи Весна Ѓеркеш Жнидар вчера не сакаше да проценува колку дневно низ Словенија би поминувале бегалци кон Австрија и Германија.