Косовскиот премиер Иса Мустафа по средбата со американскиот потпретседател Џозеф Бајден, изјави дека тоа била „многу интензивна билатерална средба“, јави Танјуг.
На својот профил на Фесјбук Мустафа напиша дека имал посебна чест на гости да го прими американскиот потпретседателот,Џозеф Бајден, „големиот пријател на Република Косово“.
„Длабоко сум уверен дека оваа посета ќе има позитивно влијание врз натамошното засилување на пријателството и стратешкото партнерство меѓу Косово и САД. Бог да ги благослови и Косово и САД!,“ наведе Мустафа на Фејсбук.
И претседателот на косовското Собрание, Кадри Весели, на Фејсбук напиша дека имал чест во Парламентот да го угости вториот човек на администрацијата на Обама.