Новиот премиер на Косово Иса Мустафа изјави дека неговата Влада ќе се ангажира за економски развој, јакнење на правосудството, борбата против криминалот и корупцијата и било каков вид екстремизам, но и за продолжување на дијалогот со Белград.
Мустафа во интервју за „Гласот на Америка“ изјави дека владата ќе работи на спроведување на постигнатот договор во Брисел.
– Ние сме заинтересирани разговорите да се одвиваат и колку што е можно да се релаксираат односите со Србија и српската заедница во Косово, изјави Мустафа, додавајќи дека создавањето на добри односи со српската заедница ќе влијае и на односите со Србија.
Мустфа, исто така, истакна дека Косово ќе ги продолжи разговорите во форматот изграден во Брисел и на Косово.