Могерини: На Самитот на ЕУ, покрај за Брегзит, ќе разговараме и за Западен Балкан

Од:

Високата претставничка на Европска унија за надворешна политика и безбедност, Федерика Могерини пристигнувајќи на Самитот на ЕУ истакна дека покрај за Брегзит, ќе се разговара и за европската одбрана и безбедност, тензиите во Азовско Море, како и состојбата на Западен Балкан.

– Очекувам дека Европскиот совет ќе ги потврди нашите силни ставови и барања Русија да ги ослободи украинските бродови и екипажот. Ќе ја потврдиме и нашата силна поддршка за територијалниот интегритет и суверенитет на Украина и нашата позиција за непризнавање на нелегалната анексија на Крим, како и значителниот пакет помош кој ЕУ и го дава на Украина и е подготвена да го зголеми, посочи Могерини.

Таа најави дека лидерите на ЕУ денеска ќе разговараат и за претстојниот Самит на ЕУ и Арапска лига, кој е планиран за почетокот на следната година во Брисел.

– Лидерите ќе ја разгледаат и ситуацијата на Западен Балкан и другите теми подготвени од министрите за надворешни работи, потенцира Могерини.

Би можело да ве интересира

Започнуваат најважните мировни преговори меѓу Европа и САД

ЕУ ја зголемува финансиската поддршка за палестинската управа

Британија предупредува на амбициите на Путин на Западен Балкан: „Тоа е нова жешка точка“

Шмихал: ЕУ и предаде на Украина една милијарда евра замрзнат руски имот

ЕУ издвојува уште една милијарда евра за Украина во рамките на заемот од Г7

Урсула фон дер Лајен: ЕУ е подготвена да се брани од американските царини со контрамерки