Младиќ ќе остане во затвор до крајот на животот, Хашкиот суд ја потврди пресудата

Од:

Поранешниот командант на Војската на Република Српска, Ратко Младиќ, попладнево е правосилно осуден на доживотен затвор за геноцид и злосторства против човештвото над несрпското население за време на војната во Босна и Херцеговина.

Со правосилната пресуда, се потврдува дека Младиќ е виновен по десет точки од обвинението – за учество во геноцидот во Сребреница, прогон, истрбување, убиства, депортации на населението, тероризирање на населението, противправни напади врз цивили и земање заложници.

Со советот, кој му ја изрече конечната пресуда на Младиќ, претседаваше судијката Приска Матимба Нијамбе од Замбија.

Судот во Хаг ги отфрли сите жалби поднесени од одбраната на Младиќ.

Конечната пресуда за овој случај беше донесена речиси по 26 години од поднесувањето на обвинението против Ратко Младиќ во Хашкиот трибунал (МКТЈ) и утврдена е одговорноста на еден од клучните актери во војната, во која беа убиени повеќе од 100.000 луѓе и протерани над два милиона луѓе во БиХ.

Како и во првостепената постапка, Младиќ беше осуден по 10 од вкупно 11 точки од обвинението, но не и за геноцид во шест босански општини во текот на 1992 година, а тоа се Приједор, Сански Мост, Кључ, Котор Варош, Фоча и Власеница.

Би можело да ве интересира

Босанец осуден на 17 години затвор за силување на три малолетни сестри, со чија мајка бил во врска

Жарко Настоски

ЕУ им ги продолжи мандатите на специјалните претставници за БиХ и Косово

Ана Ололовска

Жељко Комшиќ од утре ќе претседава со Претседателството на БиХ

Ана Ололовска

Палмер се надева дека Шмит ќе биде последниот висок претставник во БиХ

Ана Ололовска

Станишиќ и Симатовиќ осудени на по 12 години затвор во Хаг, не се виновни за повеќето дела

Жарко Настоски

Сараево: Заврши тридневната Конференција на началниците на генералштабовите на балканските земји

Ана Ололовска