Министерот за надворешни работи на Грција е на пат кон Одеса

Од:

Министерот за надворешни работи на Грција Никос Дендиас е на пат кон Одеса, каде што ќе пренесе хуманитарна помош и ќе се сретне со претставници на грчката дијаспора, јави дописничката на МИА од Атина.

Од грчкото МНР соопштија дека целта на посетата, освен трансфер на помош, е „создавање на постојан механизам за дистрибуција на хуманитарна помош, средба со припадниците на грчката заедница, повторно отворање на Генералниот конзулат во градот и посета на места нераскинливо поврзани со грчката историја“.

Дендиас на „Твитер“ објави дека пристигнал на аеродромот во Кишинев, а оттаму ќе ја помине границата Молдавија – Украина кон крајната дестинација Одеса.

Шефот на грчката дипломатија пред десетина дена изрази намера лично тој да ја предводи хуманитарната помош за украинскиот град Мариупол, додека пак портпаролот на Министерството за надворешни работи на Грција Александрос Папајоану на редовниот брифинг со новинарите во средата објасни дека предлогот на Дендиас е сѐ уште на маса, меѓутоа ќе се реализира кога ќе постојат соодветни услови.

Извор: МИА

Би можело да ве интересира

ВИДЕО: Русите го нападнаа Киев, најмалку двајца мртви

Катерина Ѓуровски

Литванија и Латвија му забранија на Вучиќ да лета за Москва

ВИДЕО: Хаос и во Русија и во Украина пред примирјето што го најави Путин

Катерина Ѓуровски

ВИДЕО: Москва нападната со дронови, Украинците не се откажуваат од Курск

Катерина Ѓуровски

ВИДЕО: Украински дронови над Москва, затворен еден аеродром

Несреќа во Солун: Експлодира бомба, настрада 38-годишна жена од Грузија