Руските единици за противвоздушна одбрана уништија четири украински беспилотни летала кои летаа кон Москва, изјави утринава градоначалникот на руската престолнина – Сергеј Собјанин.
Според прелиминарните извештаи, нема повредени или материјална штета од урнатините, изјави Собјанин на Телеграм.
In the suburbs of #Moscow unknown drones were observed pic.twitter.com/wXu6FzEA8P
— Freedom State Channel (@wogoa1) May 5, 2025
Руското Министерство за одбрана објави денеска дека се уништени вкупно 26 украински беспилотни летала, чија цел била руска територија.
Покрај соборените беспилотни летала при приближување кон Москва, 17 беспилотни летала беа уништени над регионот Брјанск и пет над регионот Калушка, објави Министерството во објава на Телеграма.
Гувернерите на Калушката област, која се граничи со Московската област на североисток, и на Брјанската област, која граничи со Украина, објавија на социјалните мрежи дека нема повредени или пријавени штети.
Руската агенција за воздухопловна безбедност – Росавијација, објави дека ги прекинала летовите на аеродромот Домодедово, еден од клучните аеродроми во Москва, со цел да се обезбеди безбедност на воздушниот сообраќај.
Рускиот претседател Владимир Путин минатата недела прогласи тридневен прекин на огнот од 8 до 10 мај по повод 80-годишнината од победата на Советскиот Сојуз и неговите сојузници во Втората светска војна, потег што се чини дека има за цел да сигнализира дека Русија се уште е заинтересирана за мир.
Како одговор, украинскиот лидер Володимир Зеленски го отфрли овој предлог и ги повтори своите повици за подолг прекин на огнот.