Грчкиот премиер Алексис Ципрас вечерва во Брисел ќе има заедничка средба со германската канцеларка Ангела Меркел, францускиот претседател Франсоа Оланд и други функционери од ЕУ.
– На барање на премиерот Ципрас, претседателот на ЕУ Доналд Туск ќе свика состанок посветен на Грција, по одржувањето на Европскиот совет, на кој ќе учествуваат канцеларката Ангела Меркел и претседателот Франсоа Оланд, изјави портпаролот на Туск.
На состанокот, кој ќе се одржи на маргините на самитот на ЕУ, ќе учествуваат и претседателот на Европската комисија Жан Клод Јункер, директорот на Европската централна банка Марио Драги и шефот на Еврогрупата Јероен Дијселблоем.