Претседателот на Црна Гора, Мило Ѓукановиќ, изјави дека новата власт во земјата, наместо да го надградува и да го унапредува системот, тргнала по патот на негово разградување и уривање.
Ѓукановиќ се огласи за првпат откако владејачката коалиција најави иницијатива за негово отповикување во црногорскиот Парламент, но не ја коментираше и наместо тоа остро ја нападна власта.
Тој вели дека „ни во сон“ нема да ги поддржи кандидатите за амбасадори кои работеле против интересите на државата и дека неговата Демократска партија на социјалистите не се плаши од обвинувачите закони.
„Посебно загрижува недоволната компетентност на државата да се соочи на делотворен начин со проблемите и последиците во различни сфери. Наместо тоа, приоритет на новата власт е брутален политички реваншизам кон претставниците на претходната владејачка коалиција, посебно спрема некогашната и сегашната најсилна политичка партија во Црна Гора. Неаргументирано се напаѓаат носители на јавни функции од доскорешното мнозинство и се оспорува сѐ што е направено пред 30 август,“ изјави Ѓукановиќ.