Хрватскиот премиер Зоран Милановиќ оцени дека најавата на лидерот на опозициската Хрватска демократска заедница (ХДЗ) Томислав Карамарк за одржување на вондредни парламентарни избори е детинеста.
– Тоа е детинесто. Постојат закони и Устав, како и парламентарно мнозинство кое е стабилно. Или Карамарко знае нешто што јас не знам, наведе Милановиќ.
Премиерот истакна и дека неговата Социјалдемократска партија во втората половина од мандатот ќе води доследна и постојана политика.
– Паметните се менуваат кога е време, а помалку паметните во криза. Ако се поколебаме, нема ништо да направиме. Луѓето не ги избраа ниту Санадер, ниту Косор, ниту Карамарко туку ги избраа СДП и ХНС, значи нас кои сме одлучни да воведеме ред во државата, посочи Милановиќ.