Косовските Срби добија уште еден претставник во Владата на Косово, откако Милан Здравковиќ беше именуван за министер без ресор во владиниот Кабинет.
– Одлука за именувањето на Милан Здравковиќ за министер ја донесе премиерот Хашим Тачи, врз основа на неговите надлежности кои произлегуваат од Уставот на Косово, како и другите владини правилници за организационата поставеност, соопшти косовската Влада.
Здравковиќ ќе биде задолжен за развојни проекти во подрачјата каде Србите се во мнозинство.
Тој е четвртиот Србин член на Владата на Тачи, покрај Слободан Петровиќ кој е вице-премиер и министер за администрација и локална самоуправа, Ненад Рашиќ, која раководи со Министерствата за труд и социјална благосостојба и Далибор Јевтиќ кој е министер за прашања на заедниците.