Турскиот вицепремиер Нуман Куртулмуш изјави дека Турција очекува поголема солидарност од страна на меѓународната заедница во нејзината борба против тероризмот, јави агенцијата Анадолија.
– Нашите пријатели од земјите кои испратија пораки за поддршка до Турција (по двата вооружени напада во Истанбул), треба заеднички со Турција да ја водат борбата против тероризмот. Ја сметаме поддршката изразена од овие земји за поволна, но во истовреме сакаме да истакнеме дека според нас, тоа не е доволно, рече Куртулмуш по владината седница одржана синоќа.
При двојниот бомбашки напад, извршен во саботата покрај стадионот „Водафон Арена“ во Истанбул, загинаа 44 лица, а 155 беа ранети.
Многу држави, меѓу кои и САД, Ирак и Франција, го оквалификуваа нападот како терористички акт и и изразија солидарност на Турција.