Трагедија го потресе Велико Градиште во источна Србија, каде денеска околу 13:30 часот дојде до пукање во семејна куќа. Според првичните информации, граничниот полицаец Б. К. со пиштол пукаше во својот зет и 19-годишната ќерка на сестра му, по што си го одзеде животот. Двајцата починаа на местото на настанот.
Според српските медиуми, инцидентот наводно бил последица на долгогодишен конфликт поврзан со нерешени имотно-правни прашања. На местото на злосторството се наоѓаат полициски екипи и обвинители, а истрагата е во тек.
Подоцнежните информации од српските медиуми наведуваат дека во пукањето биле ранети и две жени – сестрата на убиецот17:38 29.08.2026 и мајката на неговиот зет. Тие биле пренесени на лекување.
Засега надлежните не ги соопштиле сите детали за мотивот и околностите на трагичниот настан.
