Претседателот на косовското Собрание Јакуп Красниќи изјави дека заедно со Фатмир Љимај и уште неколку други членови ја напушта Демократската партија на Косово (ДПК) на премиерот Хашим Тачи и подготвуваат формирање на нова политичка сила, пишува денеска весникот „Зери“.
Красниќи нагласи дека му е жал што заминува од ДПК, но дека „не гледа друг излез“. Тој смета дека ДПК се претворила во тоталитарна партија и го игнорира мислењето на интелектуалците.
Красниќи додава дека се подготвува да формира нова партија, каде ќе доминираат демократските вредности, „а не гласот на тоталитарен лидер како што е Хашим Тачи во ДПК“.
– Имав понуди и од „Самоопределување“ на Албин Курти и Алијансата за иднината на Косово на Рамуш Харадинај, меѓутоа сепак ќе останам доследен со основање на нова партија, нагласи претседателот на косовското Собрание.