По нападите во Париз и терористичките закани во неколку европски земји, Владата на Косово упати апел до своите граѓани да ги избегнуваат пофрекфентните места, како концерти, спортски натпревари, ноќни клубови, автобуски станици и трговски центри.
Како што јави дописникот на МИА, косовскиот премиер Иса Мустафа го свика Советот за безбедност на кој е дискутирано околу опасноста од терористички напади во Косово.
– Косово е активен дел од глобалната алијанса против тероризмот и насилниот екстремизам и има одговорност во таа заедничка борба. Претставниците на институциите кои се грижат за безбедноста присутни на средбата инфомрираа дека ги зголемиле безбедносните мерки и ја го подигнале степенот на подготвеност, стои во соопштенето од средбата.
Во соопштението се наведува дека се зголемени полициските патроли на јавните места, околу државните институции, странските мисии и дипломатските претставништва, главните улици, мултиетничките средини, верските, образовните и културните институции, како и пред објектите каде има поголема фреквенцијата на млади.