Демократскиот сојуз на Косово, најголемата косовска опозициска партија ја изнесе денеска својата загриженост поради влошувањето на економската ситуација во Косово.
Претседателот на партијата Иса Мустафа, кој е и градоначалник на Приштина, на прес-конференција изјави дека влошената економска состојба е резултат на погрешно водената политика, јави Анадолија.
– Демократскиот сојуз на Косово оценува дека актуелната Влада не ги исполнила своите ветувања, ниту своите обврски во врска со поддршката и поттикнувањето на економијата во приватниот сектор, доброто владеење во јавните компании и во врска со процесот на приватизација, кој предизвика застој во економскиот развој, истакна Мустафа.
Тој додаде дека не се исполнети ниту ветувањата во врска со вработувањата и подобрувањето на условите на животот на граѓаните.