Косовската опозиција го одби денеска предлогот на премиерот Иса Мустафа на дијалог, истакнувајќи дека повикот е „несериозен“, јави Танјуг.
Како што објави „Коха.нет“, опозициските лидери на прес-конференција го повторија барањето Приштина да ги поништи договорите склучени со Белград за ЗСО и со Црна Гора за демаркација на границата, како и да се ослободат сите уапсени за време на акцијата на опозицијата.
Од друга страна, министерот за труд и социјални работи и портпарол на Владата во Приштина Арбан Абраши, рече дека повикот на Владата до опозицијата на дијалог бил искрен и оти поради него никој нема ништо да изгуби.