Косовските опозициски партии, кои се против формирањето на Заедница на српските општини и поради тоа веќе подолго време ја блокираат работата на парламентот, заедно со косовските аналитичари, сметаат дека за решавање на политичката криза на Приштина не е потребно надворешно посредување.
Со тоа, како што пишува приштинскиот „Зери“, се согласува и некогашниот амбасадор на ОБСЕ во Приштина Вилијам Вокер, кој моментално се наоѓа во Косово.
Имено, австрискиот весник „Дер Стандарт“ вчера објави дека се почесто се говори оти за решавање на политичката криза во Косово можеби е потребен меѓународен посредник бидејќи довербата на Косовците е намалена поради притисокот од политичката криза во која доминираат солзавецот, јајцата и бибер спрејовите, пренесува Танјуг.
Како потенцијални кандидати за посредување се споменуваат Карл Билт и Марти Ахтисари.
Вокер смета дека Косовците сами треба да го решат прашањето.