Портпаролот на Министерството за надворешни работи на Косово изјави дека неговата држава ќе отвори претставништво во Црна Гора и Египет и дека ќе го зголеми бројот на дипломати во САД и Брисел.
Според зборовите на Артан Беграми министерството ќе оцени дали има потреба да се отворат нови претставништва, но и дали е оправдано постоењето на одредени.
-Ние сме во фаза на проширување и засилување на претставништвата. Отворање на нови ќе биде на основа на претходните анализи кои ќе се засноваат на целта на надворешната политика на Косово-рече тој.
Беграми додаде дека има потреба да се зголеми бројот на лица во Брисел, бидејќи ќе се засилат активностите во врска со европските интеграции на Косово.
Елена Георгиевска