Поддржувачите на делото на албанскиот комунистички диктатор Енвер Хоџа продолжуваат со промоција на неговата личност и дело. Дури неговите приврзаници издадоа весник во негова чест.
Весникот се вика „8 Ноември“ и стои дека е орган на Партијата на трудот на Албанија. Воведот е под наслов „Енвер Хоџа живее“. Притоа се величат делото на Хоџа и неговото значење за албанскиот народ и Албанија.
Весникот има за цел да продолжи да го промовира, како што се вели, делото и активноста на Енвер Хоџа на Косово. Во весникот се содржани и низа други написи за Хоџа.
Има и напис дека Партија на трудот ќе учествува на локалните избори во Албанија закажани за 21 јуни годинава, во коалицијата предводена од владеачките социјалисти на Еди Рама.