Околу 700 дела за воени злостроства, кои се регистрирани во ЕУЛЕКС ќе бидат предадени на идниот Специјален суд за воени злосторства на Ослободителната војска на Косово, објави приштинскиот весник „Косова сот“.
Весникот наведува дека Судот ќе се занимава и со стопнаски криминал, организиран криминал и корупција.
– Специјалниот суд многу ќе ни помогне за чистење на многу институции во Косово, изјави неименуван извор од косовското Обвинителство за „Косова сот“.
Тој додаде дека „треба да се водат истраги за милионерите и да се види каде биле претходно, каде се сега и како ги направиле парите“.