Во Загреб денеска беше конституиран 9 состав на Саборот, а за претседател, како што беше предвидено со коалициски договор, е избран лидерот на Мост, Божо Петров.
Тој нагласи дека вонредните парламентарни избори во Хрватска потврдиле определување на гласачите да се обезбедат реформи што ќе запрат иселување.
– Тоа е можно само со конструктивна критика, аргументирани расправи, усогласување интереси и зрело политичко одлучување како и отфрлање на непотребни поделби, рече Петров во обраќањето до пратениците.
Тој вети дека функцијата ќе ја извршува чесно и објективно.
Петров беше единствен кандидат, а од 145 присутни пратеници, за негов гласаа 132.