Доколку прашањето за избор на претседател на косовскиот Парламент заврши на Уставен суд, Приштина би можела до есен да остане без влада, објави денеска косовскиот весник „Коха диторе“.
Косовската претседателка Атифете Јахјага вчера одлучи конститутивната седница на Парламентот да биде одржана на 17 јули и оттогаш тече времето за одредување на мандатар на косовската влада.
Кандидати за претседател на Парламентот се од предизборната коалиција Демократска партија на Косово, која има 37 пратеници и постизборната коалиција Демократски сојуз за Косово-Алијанса за иднина на Косово-Иницијатива за Косово која има 47 пратеници.