Канцеларијата на ЕУ во Приштина соопштила за весникот „Коха диторе“ дека Заедницата на српски општини (ЗСО) ќе биде воспоставена согласно косовските закони и одлуката на косовскиот Уставен суд.
Весникот наведува дека според Канцеларијата на ЕУ, ЗСО „нема да биде паралелна влада на Косово и нема да ги отфрла законите, како што тоа претходно го истакна и високата претставничка на ЕУ за надворешна политика и безбедност Федерика Могерини“.
Како што се наведува, ЗСО ќе биде формирана согласно косовската правна рамка, а одлуката на Уставниот суд „ќе биде применета и ќе служи како патоказ статусот на ЗСО да ги одрази косовските закони“.