Грчкиот министер за надворешни работи, Никос Коѕиас денеска повторно ја отфрли можноста за заеднички грчко-турски патроли во Егејското кои би се справувале со бегалската криза.
– Тоа би значело турски бродови да влегуваат во наши територијални води, што ќе има долгорочни последици, изјави Коѕиас за радио „Алфа“.
Оваа изјава на шефот на грчката дипломатија се смета за директен одоговор на барањето на претседателот на Европската комисија Жан-Клод Јункер, кој ја повика Атина да ја преиспита својата одлука со која одби формирање заеднички патроли на грчки и турски бродови.
Во своето обраќање пред Европарламентот во пресрет на денешниот дводневен самит на ЕУ, Јункер изјави дека заедничкото патролирање на воено-поморските сили на двете земји ќе биде „многу корисно“ за Егејското Море.