Хрватската претседалка Колинда Грабар-Китаровиќ изјави дека е непријатно изненадена од одлуката на судот во Белград за рехабилитација на воениот злосторник Дража Михаиловиќ и дека најостро осудува секаков обид за ревидирање на историјата.
„Ова пресуда не може да ги избрише злодела на четничкото движење, сторени во соработка со нацистите и фашистите за време на Втората светска војна, кои на сите народи на овие простори им донесоа големо страдање. Останува фактот дека тоа движење доживеа целосен пораз во Втората светска војна, но и пред 20 години во агресијата на Хрватска“, се вели во писмената изјава на Грабар-Китаровиќ.
Таа смета дека гледајќи кон заедничката иднина во Европската унија, конечно треба да се направи оддалечување од политизирање на минатото и историјата да и се препушти на историчарите