Хрватската претседателка Колинда Грабар Китаровиќ на средбата со шефот на косовската дипломатија Хашим Тачи истакна дека Хрватска и понатаму силно го поддржува Косово.
– За време на средбата потврдени се пријателските односи меѓу Загреб и Приштина, како и обостраната желба за јакнење на соработката во областа на земјоделството. Се разговараше и за соработка во Југоисточна Европа на подрачјето на енергетиката и инфраструктурните проекти, се наведува во соопштението од кабинетот на Грабар Китаровиќ.
Тачи ја нагласи силната поддршка за заштита и промоција на правата на хрватското малцинство во Косово, како и високиот степен на вклученост на албанската заедница во хрватското општество.
Косовскиот премиер е во официјална посета на Хрватска и предвидено е да се сретне со премиерот Зоран Милановиќ, со претседателот на СаборотЈосип Лекo и со министерката за надворешни работи Весна Пусиќ.
Тачи ќе има средба и со претставниците на здруженијата на Албанците, кои се бореа на хрватска страна во војната од 90-тите години.