По точно шест месеци од вонредните парламентарни избори денеска беше конституиран косовскиот Парламент.
Со 71 глас „за“ претседател на законодавниот дом е Кадри Весели од редовите на Демократската партија на Хашим Тачи. Избрани се и четворица потпретседатели, меѓу нив и еден од припадниците на малцинствата.
За Весели гласаа пратениците на Демократската партија,Демократскиот сојуз(против беа петмина од нив),како пратениците од малциснтвата, додека на чинот на гласањето салата ја напуштија опозициските пратеници.
Веднаш потоа претседателката Арифете Јахјага на лидерот на ДС, Иса Мустафа му го врачи мандатот да формира нова влада.
Доцна попладне почна седницата на парламентот на која треба да се изгласа владината програма и кабинет, во кој досегашннот премиер Хашим Тачи ќе биде прв потпретседател на владата и шеф на дипломатијата.
Како што јавуваат косовските медиуми, незадоволни од преговорите и предложените министерски позиции во новата влада, Српската листа на Косово ги прекинала преговорите со колициооните партии ДСК и ДПК и нејзините десет пратеници не учествуваат на седницата за избор на новата влада.