Известувачот на Европскиот парламент за Западен Балкан, Јелко Кацин денес оцени дека е добра идејата Балкан да добие регионална полиција Балпол, бидејќи неодамна стана јасно дека криминалот не може успешно да се сузбие, без поврзаност на полицијата.
Тој ги поздравува напорите кои што одат кон зајакнување на институционалната соработка во регионот, особено кога е во прашање борбата против организираниот криминал.
Кацин наведе дека организираните криминални групи и понатаму се присутни во сите држави на Западен Балкан и имаат успешна прекугранична соработка.
-На криминалците мора да им се застане на патот. Се подразбира дека не може да се постигне напредок во таа борба, без ефикасна и константна соработка на полициските органи и правосудството-истакна известувачот на Европскиот парламент за Западен Балкан.
Елена Георгиевска