Бугарската потпретседателка Илијана Јотова и грчката заменичка-министерка за Македонија и Тракија, Марија Колиас Царуха разговарале за прашањето за името на Македонија денеска во Солун, јави БТА.
– Се надеваме на позитивно решение кое не ја засега нашата историја, изјавила по средбата Колиас Царуха.
Јотова изразила уверување дека во 2018 година прашањето ќе биде решено со прифатлив компромис за сите земји во регионот.
Јотова и Царуха разговарале и за други прашања, вклучително и за претседателството на Бугарија со ЕУ.
– Имаме амбиција 15 години подоцна да го продолжиме Солунскиот процес. За шесте месеци на бугарското претседателство со Советот на ЕУ вниманието на цела Европа ќе биде насочено кон Балканот. Една од нашите задачи е да ги надминеме стереотипите, дека овој дел на Европа е послабо развиен, истакна Јотова.