Членството на Хрватска во ЕУ од 1 јули е историски момент, кој всушност нема да го следат чуда најмногу во областа на економската обнова на државата, вели хрватскиот претседател Иво Јосиповиќ.
– Први јули е важен датум. Тоа е првиот ден од една нова ера за Хрватска. Но, нема да има никакво чудо, изјави Јосиповиќ за западни медиуми.
– Да, економската криза постои, но мислам дека сме посилни заедно и на крајот Европа ќе излезе од кризата заедно, вели тој.
Додаде дека на „цивилизиран“ начин ќе бидат решени пограничните спорови со Србија, БиХ и со Црна Гора како и други отворени прашања – наследени од поранешна Југославија.
Претседателот на Хрватска одлучно поддржува евроинтеграции на сите држави од ЈИЕ и ветува поддршка од Загреб за тој процес.