Хрватска силно ќе го поддржува европскиот пат на земјите од Западен Балкан, порача хрвaтскиот претседател Иво Јосиповиќ во здравицата на свечената вечера во Загреб по повод примот на неговата земја за 28 членка на Европската унија.
– Ова е прилика посебно да им се заблагодарам на нашите соседи од Западен Балкан кои денеска се собраа овде во голем број. Сакам да ви порачам дека со сите сили ќе ја поддржуваме вашата европска перспектива.
– Хрватски интерес е сите да живееме во зона на мир и напредок, и тоа ќе биде еден од нашите најважни политички цели. Проектот ЕУ е проект на иднината, истакна Јосиповиќ, обраќајќи се пред многубројните гости од Европа и светот кои дојдоа во Загреб да го прослават приемот на Хрватска во Европската унија.