Претседателката на Косово, Атифете Јахјага остро ги осуди денеска насилствата на протестите на опозицијата во Приштина и побара полицијата да ги идентификува и изведе пред суд лицата или групите одговорни за нередите.
– Денешното палење на државните институции е апсолутно недопустливо, наведува во соопштение Јахјага.
Таа ја осуди и „ескалацијата на ситуацијата“ и користењето средства што предизвикале опасност за животи на граѓани и силите за безбедност кои имале задача да ги штитат државните институции.
Јахјага ги повика демонстрантите на мир, а организаторите на протестите да асе дистанцираат од насилствата.