Косовската претседателка Атифет Јахјага порача дека Приштина минува низ најкритичниот период на на парламентарна демократија и дека е во длабока политичка и морална криза која, како што изјави, влезе во четвртиот месец, како и дека се загрозени редот и законот.
– Наместо граѓаните да уживаат во историската можност која ја добија блогодарејќи на трудот и жртвите, имаат прилика да бидат сведоци на крајна напнатост и насилство каква што Косово не памети во својата нова историја, рече косовската претседателка на годишното обраќање на пратениците.
Јахјага потсети дека ова е нејзино последно годишно обраќање на пратениците бидејќи наредната година истекува нејзиниот мандат.
Претениците од опозицијата, кои се противат на бриселскиот договор кој предвидува формирање на Заедница на српски општини, го напуштија заседанието на почетокот на обраќањето на косовската претседателка.
Имено, Јахјага потсети дека оваа година ја започна со повик кон граѓаните да не ја напуштаат земјата, а ја завршува повикувајќи ги пратениците да најдат заеднички пат за дијалог и за излез од политичката ситуација.
– Насилството нема да го претвориме во политичко средство, а никој нема право да ја уништува земјата, нагласи косовската претседателка.