Претседателката на Косово, Атифете Јахјага изјави дека организацијата на локалните избори на 3 ноември на цела територија, вклучителчно и северниот дел, е во интерес на сите граѓани.
Таа истакна дека е важно Србите од северниот дел на Косово да излезат на избори.
– Нивното учество на изборите ќе им гарантира и ќе им пружи можност преку своите легални и легитимни претставници да ги реализираат своите права предвидени со косовскиот Устав и закони, истакна Јахјага.
Таа посочи дека е важно изборите да бидат слободни и демократски и да излезат што поголем број граѓани.
Јахјага нагласи дека дијалогот меѓу Косово и Србија е единствена алтернатива за нормализација на односите меѓу двете држави и за интеграцијата во Европската унија.