Во врска со неодамнешното убиство на припадникот на ЕУЛЕКС, косовската претседателка Атифете Јахјага изјави дека властите во Приштина нема да дозволат „тесните интереси на криминалните групи да ги држат како заложници и да ја диктираат иднината на граѓаните и стабилноста во Косово“.
– Целта на нападите, како што е оној од минатиот четврток кога беше убиен еден припадник на ЕУЛЕКС, е да се внесе страв и несигурност, истакна Јахјага.
Осврнувајќи се на локалните избори во Косово, кои треба да се одржат на 3 ноември, таа нагласи дека изборниот процес, покрај тест за демократија, треба да биде и тест „за масовно учество на граѓаните од сите заедници со цел да ги изберат своите легитимни претставници“.
– Овој изборен процес мора да биде слободен и демократски, кој ќе им помогне на граѓаните на Косово да бидат дел од демократскиот пат во правец кон европските интеграции, нагласи косовската претседателка.