Организацијата „Насмевката на детето“ го активира Амбер алерт поради исчезнување на 11-годишно девојче од селото Миртија во областа Илија во западниот дел на Грција.
Василики Николопулу (11) исчезнала во неделата вечерта во 21 часот и 10 минути.
За исчезнувањето на девојчето денеска била информирана организацијата „Насмевката на детето“ и веднаш по наредба на обвинителот бил активиран механизмот за тревога Амбер бидејќи има причини да се верува дека нејзиниот живот е во опасност, пренесуваат грчките медиуми.
Василики има кафена коса и кафени очи, висока е 150 сантиметри и со нормална тежина.
На денот на нејзиното исчезнување носела бел фустан и бели влечки. Секој кој има информации за девојчето се замолува веднаш да ја извести организацијата или да се обрати во полиција.