Најголемата меѓународна полициска мрежа која се занимава со идентификација и апсење на лица кои бегаат од правдата, Интерпол, има распишано потерници по 48 државјани на Косово, објави косовскиот весник „Трибуна“.
Меѓу косовските граѓани кои ги бара Интерпол има Албанци и Срби, но и припадници на другите етнички заедници од Косово. Меѓу нив се наоѓа и една жена, коај е единствена Албанка по која трагаат косовските правосудни органи, преку Интерпол, стои во написот.
Како што јави дописникот на МИА, станува збор за Леме Џема, екс-директорка на Косовската пошта и телеком. Судот во Приштина ја осуди Џема на три години затвор за „злоупотреба на службената положба и потпишување штетни договори“.