Припадниците на Самоопределување со Аљбин Куртиј на чело, го истргаа денеска микрофонот од пред претседателот на косовската собрание Јакупи Красниќи во моментот кога тој рече дека на седницата е прусутен 101 пратеник и најави почеток на гласањето за ратификација на бриселскиот договор.
Тие рекоа дека нема да дозволат гласање за предлог-законот за ратификација на „договор со Србија“. Красниќи даде десет минути пауза, но ни потоа седницата не продолжи.
Претходно, Красниќи го критикуваше однесувањето на Самопределувањето и истакна дека кога тие би биле на власт не би довеле демократија.
Истовремено пратениците на Самоопределувањето го развиорија знамето на Косово на која пишува „Косово на Хашим“.