Претседателот на Хрватскиот саборм Жељко Рајнер денеска изјави дека земјите членки на Јадранско-јонската иницијатива би требло да ја засилат соработката во решавањето на мигрантската криза и да не дозволат отворање нова балканска бегалска рута преку Албанија, Црна Гора и Босна и Херцеговина.
– Во борбата против илегалната миграција мораме да најдеме начин Албанија, Босна и Херцеговина да станат нова бегалска рута, изјави Рајнер во обраќањето на Конференцијата на претседателите на парламентите на земјите членки на Јадранско-јонската иницијатива, што се одржува во Сплит.
Како што јави Хина, во обраќањето на собирот, хрватскиот министер за надворешни работи Миро Ковач пак порача дека мигрантската криза покажала оти земјите од Јадранско-јонската иницијатива се „судбински поврзани“ и дека една без друга не ќе можат да ги надминуваат проблемите.
Членки на Јадранско-јонската иницијатива се Албанија, БиХ, Грција, Италија, Словенија, Србија, Хрватска и Црна Гора.