Хрватска планира да ги даде под концесија магистралите идната година, за да ги врати кредитите, земени за развој на патната инфраструктура.
Новата членка на ЕУ зеде големи кредити во последната деценија, за да ја реконструира патната мрежа, обезбедувајќи полесен пристап до познатите одморалишта на јадранското крајбрежје за граѓаните на побогатите соседни држави. Тоа стана причина за задолжување со околу четири милијарди евра.
– Ако не ги дадеме под концесија магистралите, државните гаранции за тие кредити ќе бидат активирани, што значи дека државниот долг ќе се зголеми, а ние не можеме да си го дозволиме тоа, изјави министерот за транспорт Синиша Хајдаш Дончиќ.
Според првичните планови, магистралите може да бидат дадени под наем за период меѓу 30 и 50 години, а Владата има за цел да добие меѓу 2,4 и 3,2 милијарди евра, изјави министерот за транспорт.